十二月．方中sir

三個月無寫過blog，主要係因為呢期轉左玩facebook。其實最近三個月除左換左新車之外，真係無乜特別。岩岩響電視見到方中sir既新劇，響度想像緊自己40歲既時候會點呢？

40歲既時候，我會好想「手查」返架「愛快羅密歐」，戴住副超扮晒型咁...。

九月．新愛情

早排Simon叫我未有心理準備之前，最好唔好去車行睇車住。佢話男人睇完車之後，好難會忍得手唔買。好彩我睇岩果款車要去到灣仔先有陳列室，對於我呢Ｄ新界仔，都算係俾左自己一個唔去睇車既藉口。

禮拜六，代理出左新款車，響屯門擺左roadshow，咁岩同屋企人食飯前經過。同場雖然無我杯茶，但係就有同系列陳列車show左出黎。好彩好彩好彩，個場超多幾歲大既細路霸晒成架車黎玩，我只可以坐左十幾秒司機位，十幾秒後座，就要起身。問sales姐姐拎左catalogue同埋價單，急急腳走。

Simon真係講得岩喎。唔知係咁岩得咁蹊，睇完catalogue之後果晚已經凌晨四點鐘醒左訓唔返。我諗如果睇埋真車真係唔得掂。

好多人都話我鐘意呢隻車超低能兼勁攪笑。但係道理其實同愛情一樣，當你愛上一個人既時候，無論果個人有幾多缺點，劣評如潮，你都一定唔會嬴到自己既理智。

消失的地平線

擒日岩岩知道有個朋友辭左職，去左西藏流浪，又令我諗返起人間天堂，「消失的地平線」裡面所提及的最後一片淨土。

第四次考試公佈結果。一如以往，又係話你既分數距離合格只有within 10%，叫你繼續努力云云。唯一唔同既係，我竟然合格左其中一份卷。日子有功，原來考左咁多次，只係第返一份卷未合格。出年二月，就係我返身既日子。

等多一年，就可以放大假。一年後，好多野好想去做，例如去北海道，又例如買新車，又例如...八月應該係收稅單既月份... >_<


自畫像－Ast Simpsons

The Simpsons

已經八月，傷痛已經痊癒。最近換了新手提電話，太多function，不太懂得怎去用。這就是步入中年的先兆？

陪著我長大的The Simpsons終於都有電影版。好期待好期待好期待。我最喜歡的角色就是Bart平日看的卡通裡，常常被老鼠殺死的貓，超有型。

很想對妳說的話

這幾天每當我一閉上眼睛，我就會想起妳。

妳記得嗎，有一次我們早上繁忙時間在西鐵車廂裡相遇。妳比我遲了一個站上車，妳剛走進車廂，我拍一拍你手肘，妳跟我笑了一笑，就聊起天來。我已經記不起我們聊甚麼話題了，大概是圍繞工作的話題吧。

其實我們總共有兩次在西鐵相遇。同樣的車廂，同樣的時間，不過那一次看見妳咬著麵包的樣子，似是很趕時間的樣子，加上車廂很擠擁，我就沒有上前跟妳說聲早了。

還有妳記得上一次妳到我公司找我嗎？妳說妳約了朋友在元朗逛街，我還取笑妳像個上了年紀的人一樣，喜歡在元朗出沒。雖然那一次妳說妳感到在打擾我的工作，但我真的很想跟妳說聲，我的工作沒有被妳打擾。難道妳忘記了我就是妳口中那個工作出息的榜樣嗎？

沒有問題是不能夠解決的，最遺憾的是我未能跟妳分擔妳的煩惱。其實我真的很想跟妳對聲對不起。因為妳媽媽曾經吩咐過我如果有時間的話，就打打電話給妳跟你聊聊天，教妳一點道理。奈何我一直都認為我年紀只大妳三年，沒有甚麼可以教妳，另我也怕妳會不習慣有男孩子打電話給妳，所以最後我連妳的電話號碼都遺失了。要是我可以察覺得到妳是不快樂的話，那今天妳就可能不會選擇這條路。

我想，如果我真的有時間去關心身邊的每一個人的話，那今天就不會憂鬱。我真的真的真的很後悔沒有多一點跟妳聊天，沒有多一點關心妳。

請安息。

記於，一個再次失眠，再次失落的晚上。